Sagði upp vinnunni minni í dag

Nú er mælirinn fullur, framkoma hjá samninganefnd ríkisins gagnvart samninganefnd ljósmæðra er með endemum.  Þeir eru í umboði ríkisstjórnarinnar en þeir viðrast ekki hafa lesið stjórnarsáttmálann, um að meta menntun og að taka á launamun kynjanna. 

Ljósmæður hafa verið nánast með sömu laun á hjúkrunarfræðingar, finnst fólki það virkilega vera í lagi?  Ljósmæður eru með 6 ára háskólanám!!  Það var alltaf verið að segja við mann á yngri árum að menntun væri fjárfesting sem borgar sig, en það er ekki að skila sér í launaumslagið mitt þessi 2ja ára viðbótarmenntun.  Sálfræðingar og Lögfræðingar, sem vinna hjá ríkinu, eru með um 80-100 þús hærra grunnkaup en við og eru þeir með 5 ára háskólamenntun.  Kennarar fengu launaleiðréttingu í vor sem var alveg frábært, við eigum skýra kröfu um að okkar laun verði leiðrétt einnig.

Þetta er ástæðan fyrir því að ég skilaði inn uppsagnarbréfi í vinnunni og það sem var svo undarlegt var að mér leið ekkert illa yfir því.  Maður er orðin svo langþreyttur á þessari launabaráttu og núna var ég bara búin að fá nóg.

Áfram ljósmæður

Hrafnhildur

Athugasemdir

[Hrafnhildur (IP-tala skráð) 30.6.2008 kl. 17:05]

Áfram Hrafnhildur, áfram ljósmæður!!

[Guðbjörg (IP-tala skráð) 1.7.2008 kl. 11:22]

Gott hjá þér!!!! undarlegt já að viðbótarmenntunin sé ekki metin til launa.

[inga (IP-tala skráð) 1.7.2008 kl. 21:02]

ég sagði líka upp ígær og er bara nokkuð stolt af mér og okkur öllum sem ætlum ekki að láta lengur vaða yfir okkur á skítugum skónum!! Ég get fengið vinnu á Dominos sem vaktstjóri með 300 þús á mán!! Sem er hærra en mín mán laun núna og minni ábyrgð og minni vinna!! Alveg magnað finnst ykkur ekki??? Heyrumst fljótlega í baráttunni okkar;-)