Hrafnhildur Ólafsdóttir

24.4.2008 | 22:58

Gleðilegt sumar

Sumarið kom í dag og fannst mér það alveg dásamlegt þó að það væri bara á dagatalinu því ekki var nú sumarblíða í dag. Ég var að vinna og það var alveg nóg að gera. Feðgarnir ætluðu að fara í skrúðgöngu en misstu af henni þar sem hún fór af stað of snemma, þeim fannst alveg glötuð dagskráin hérna í Árbænum til að fagna sumrinu, ekki mikið fyrir svona gaura eins og Eðvarð að gera, m.a. voru hoppukastalarnir fyrir 3-6 ára svo Eðvarð var of gamall, hann varð frekar fúll svo það var bara tekin DVD mynd og keyptur ís. Síðan þegar ég kom heim úr vinnunni þá fékk hann sumargjöf frá okkur, hann fékk línuskauta og hlífar, hann varð að prófa strax, hann fór nokkrar ferðir inni síðan fór hann út. Alveg ótrúlegt hvað þetta er fljótt að koma hjá honum, ég var fyrst alveg með hjartað í buxunum en svo sá ég hvað hann var fljótur að ná þessu. Set tvær myndir af honum með Wink

Sumarkveðja

Hrafnhildur

Flokkur: Bloggar | Facebook

Athugasemdir

Hæ Hrafnhildur Axel sagði mér að þú værir með blogg og auðvita varð ég að kíkja(maður gæti nú dáið úr forvitni).

En annars vil ég bara segja hvað mér finnst þú standa þig vel með átakið og þetta er sko svaka flottur strákur sem þið eigið.Hann á sko eftir að þeysast um allan Árbæinn á línuskautum.

Kv.Birna Kristín

p.s þú býrð til svaka góðar pizzur.

Birna Kristín (IP-tala skráð) 27.4.2008 kl. 07:57