Merkingar á matvælum

Góðan dag

Í síðustu viku fórum við með næringarfræðingnum í matvöruverslun til að fara yfir ýmsar vörutegundir m.a. merkingar.  Það er nú ekki allt sem sýnist, t.d. er Kornflex special-K  er í raun óhollari en þetta venjulega kornflex, það eru meiri sykur og minni trefjar í þessu special-K svo hún mælti ekki með því.  Alveg ótrúlegar auglýsingar um special-K, maður á að fá svo stælltan kropp að borða það.  Sultan frá Sollu í grænum kosti er hreinlega að plata okkur, hún gefur upp að það sé ekkert kolvetni í henni, það getur bara ekki verið, sulta er bara sulta og það er alltaf sykur í henni í einhverri mynd, ef ekki hvítur sykur þá ávaxtasykur.  Næringarfræðingurinn segir að heilsugeirinn sé mikil markaðsvara og oft reynt að plata okkur.  T.d. skilur hún ekki þetta spelt æði í okkur, spelt er bara ein tegund af mjöli eins og hveiti, heilhveiti og fl. fólk segist stundum nota það ef það er með gluteinofnæmi, það getur ekki verið því það er glutein í öllu mjöli líka spelti.  Alltaf verið að reyna að plata okkur.

Við vorum á matreiðslunámskeiði í dag, lærðum að meðhöndla allskonar baunir, búa til Hummus, grænmetissúpu og fl.  Bæði ferðin í búðina og matreiðslunámskeiðið var mjög fróðlegt.  Maður hélt að maður vissu nú ýmisslegt vera menntuð í heilbrigðisgeiranum en alltaf er hægt að bæta við þekkinguna.

Ég er orðin svolítið óþreyjufull að komast heim að fara að undirbúa jólin, ég er ekki farin að kaupa 1 jólagjöf svo þarf ég einnig að fara að halda upp á afmælið hans Eðvarðs.

kveðja

Hrafnhildur jólabarn.

Athugasemdir

[hanna (IP-tala skráð) 4.12.2007 kl. 20:05]

Akkurat, mér finnst gaman að lesa merkingar á matvöru.  Special K er i raun ekki langt frá coccopuffsi.  Svo að lesa utan á ymis jogurt og mjölkur vörur sérstaklega sem eru markaðsett fyrir börn.  Vissuð þið að MS flytur inn meiri sykur til landsins en Coca Cola?    Best að vera á varðbergi svo maður sé ekki dregin á asnaeyrunum.

[inga (IP-tala skráð) 4.12.2007 kl. 23:57]

OMG!!! Þú segir nokkuð!! Það er sko greinilegt að það er alltaf verið að gabba mann eitthvað!! Hef einmitt mikið spáð í að reyna að fara að borða meira spelt í stað heilhveitis!! Finnst margir hreinlega líta niður á mann að maður skuli borða heilhveitibrauð!! Fór einmitt á smá námskeið hjá ungri móður sem var að gefa út bók um mataræði ungbarna og svo fer hún útum allt með eitthvað svona námskeið um hvað þú átt að gefa ungabarni að borða í fyrstu og allir litu á hana sem einhvern rosa fræðing í þessum málum..... ég var nú pínulítið skeftísk verð ég að segja.... En það er samt nauðsynlegt fyrir okkur að vera opin fyrir öllu og maður þarf einmitt að vera sjálfur á varðbergi... ekki bara að láta glepjast af því sem aðrir segja að sé hollt og gott og náttúrlega alls ekki að láta glepjast af auglýsingunum!! Eins og t.d. Kellogs special K!!! Vá, gellan sem borðar bara Special K!!! Ég hélt einmitt að hún væri svona bara af því að hún borðar special K!!! Jæja, nóg um það!! Dvölin styttist hjá þér mín kæra og þú verður komin heim áður en þú veist af!! Þar til næst, kær kveðja Inga.